دارمو Darmo

الرئيسية » رشا شربتجي تحتفل بيوم الطفل العالمي بكلمات مؤثرة

رشا شربتجي تحتفل بيوم الطفل العالمي بكلمات مؤثرة

عن طريق : Hani Hashem

 

دارمو – دمشق: أعربت المخرجة السورية رشا شربتجي، عن تعاطفها مع أطفال فلسطين في يوم الطفل العالمي، وتحدثت في هذه المناسبة عن تجربتها الخاصة مع الأطفال الذين شاركوها بأعمالها الدرامية.

ونشرت “رشا” عبر صفحتها في “فيسبوك” مجموعة صور لها تجمعها بأبطال مسلسلاتها من الأطفال المشاركين فيها.

وكتبت “رشا” تعليقاً على الصور، أكدت فيه أنه رغم عدم إنجابها للأطفال، إلا أن حضورهم بأعمالها أكسبها الكثير من طاقة الحب، قائلةً: يمكن الله ما كتبلي كون أم، بس أنا انخرطت مع كتير أطفال بمهنتي، بعدة أعمال، واشتغلت معهن واشتغلوا معي، تعلمت منهن وتعلموا مني، كمية الحب والطاقة اللي وصلتني كانت كبيرة كتير، الإبداع والشغف والموهبة اللي بعيونهم.

وأشادت “رشا” بالأطفال الذين شاركوا معها، وقالت: كانوا بيتقارنوا بجهد وحلم النجوم ببعض الأوقات، هاد النقاء كلو حاولت أصقُل منو شي، ورغم التعب والصعوبة بس مافي أمتع من العمل على مادة خام، قادرة تعطيك كل العفوية والتلقائية.

وتطرقت “رشا” لمعاناة أطفال فلسطين، وكتبت: أنا من قبل، ما كنت آمن كتير بشي اسمو “اليوم العالمي لكذا” بس اليوم نتيجة الجرائم والانتهاكات اللي عم نشوفا كل يوم للأسف، ومنهن بتمسّ حقوق الطفل بشكل مباشر، يمكن صار لازم نخصص يوم عالمي لكل شي بهالدنيي، بركي يتذكر العالَم أنو في أطفال ونساء وحتى نباتات وحيوانات عم تنحرق وتنقتل بدون أي ذنب.

ووجهت “رشا” الشكر للأطفال الذين عملوا معها، قائلةً: شكراً لكل طفل كان معي بأعمالي، فخورة فيكن و انشالله شوفكن بأماكن أهم، وكل الرحمة لقلب كل طفل استشهد، أو ضاع، أو تشرد عن أهلو بهي الظروف الصعبة، و الله يصبر قلب أهلهن.

يشار إلى أن رشا شربتجي، وعبر مسلسلها الأخير “مربى العز”، أعطت دور البطولة لثلاثة أطفال، جسدوا حينها المرحلة العمرية لأبطال العمل لاحقاً في مرحلة الشباب، ونالوا إعجاب متابعي العمل ممن أثنوا على أدائهم رغم صغر أعمارهم.

ربما يعجبك أيضا

اترك تعليقا

Are you sure want to unlock this post?
Unlock left : 0
Are you sure want to cancel subscription?
-
00:00
00:00
Update Required Flash plugin
-
00:00
00:00