بردى- متابعات: نشرت الممثلة شكران مرتجى تغريدة عبر حسابها الشخصي على تويتر تحدثت فيها عن التنمر الذي عانت منه في طفولتها وخلال حياتها المهنية وكشفت شكران انها حين خضعت لعملية تجميل لأنفها كان السبب الاشخاص حولها وليس قناعتها الشخصية.
وقالت في تغريدتها: “ظاهرة التنمر اي المسخرة على شكل الانسان .. انا شخصياً عانيت منها في مراهقتي كثيراً هي جرح للمشاعر والروح وعانيت منها ايضاً في حياتي المهنية وخاصة في بداياتي ان لم تكن جهراً كانت سراً وهمساً مثلاً بشعة منخارها كبير و….. بس موهوبة .. كنت كب الكلمات الجارحة ووقف عند موهوبة خلت عندي تحدي اثبت للجميع الجمال جمال الروح .. عملت عملية تجميل للأنف كرمال الناس مو كرمالي لاني كنت حس ومتأكدة انه ربنا بيميزنا بطريقة او اخرى وان الله جميل وخلق الناس حلوة والجمال نسبي والكمال لله تعالى”.
وأضاف: “مين قال الكل لازم يكونوا ملكات جمال ربنا ميز كل حدا بشي هالظاهرة كانت بالشوارع والحمدلله انتقلت ع مواقع الكره الاجتماعي .. وحدة ممكن تكون ناصحة لانه عندها ظرف صحي ينقال ببساطة دبة بقرة .. والله اعلم شو شكل اللي عم يكتب وووووو .. ماعم اكتب هالبوست لحدا هلق يبعتلي اني قمر ابداااااا بعرف حالي وبعرف شو انا بس عم اكتبه لنكافح هالظاهرة عالاقل ما نحط لايك ودايماً نتخيل ما يكتب لغيرنا يكتب لنا ولأحبتنا .. كلمة أخيرة شوف بقلبك لا تشوف بعيونك .. ضد التنمر”.
