دارمو – القاهرة: أكدت الفنانة المصرية صفية العمري، أنها تحضّر لعمل درامي خلال الفترة الحالية، لكنها لا تعلم إن كان سيعرض في رمضان المقبل أم لا.
وقالت “صفية” في تصريحات تليفزيونية: أنا بحضر حاجة إن شاء الله مش عارفة هتلحق رمضان ولا لأ، والعمل الحلو بيعمل لوحده رمضان ولما بينجح بيجيب الجمهور، أنا فاكرة أن مسلسل ليالي الحلمية كان فيه جزء منه برا رمضان وحقق نجاح برضو.
ولفتت “العمري” إلى أنها فخورة بتقديم شخصية “نازك السلحدار” في ليالي الحلمية، قائلة: أنا فخورة إني عملت نازك السلحدار والعمل ناجح وأسطورة موجودة وهتفضل موجودة لكل الأجيال اللي جاية، ومفيش حد امتداد لحد، كل واحد له شخصيته وإنه ينجح في تقديم شخصية مميزة والشطارة إنها تبقى فيها بصمة وتكمل.
وفيما يخص كتابة مذكراتها لتقديمها في عمل فني، قالت “صفية”: مظنش إني ممكن أكتب مذكراتي لأني معنديش الحاجة اللي تتكتب، ومفكرتش أكتبها.
يذكر أن صفية العمري، سبق وأن طالبت بحصول الفنانين على مقابل مادي، نظير عرض أعمالهم على القنوات التليفزيونية، وقالت في تصريحات تليفزيونية: إحنا الفنانين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم.
