دارمو – دمشق: كشفت الفنانة السورية فايا يونان، عن مشاعر الاستغراب والخوف التي انتابتها قبل البدء بتصوير مسلسل “تاج” كونه أول تجربة تمثيلية لها، رغم أنها “شخص قلبه قوي ويحب التحديات”، حسب تعبيرها.
وبعد انتهاء عرض “تاج”، أكدت الفنانة السورية أنها اكتشفت أن شخصية “نوران” لا تشبهها فقط من ناحية الشكل الخارجي بل تخصها وتمسها في طموحها وحلمها بأن يكون بلدها سوريا “أجمل”.
وكتبت “فايا” عبر خاصية “ستوري” في “فيسبوك”: “عندي كتير مشاعر مختلطة متل أغلب الناس، مبارح بكيت وأنا عم بحضر آخر حلقة”.
وأضافت: “بعرف أنو كتار لما سمعوا أني مشاركة بالبطولة بهيك عمل ضخم استغربو أما أنا مو بس استغربت خفت وحسيت بثقل مع أني شخص قلبه قوي وبحب التحديات وبكب حالي عكل شي صعب وجديد”.
فايا يونان
وأوضحت “فايا” أنها ترددت في البداية، لتقرر لاحقاً استغلال الفرصة، وقالت: “بس هالمرة كنت كتير قريبة من أني ما أعمل هالدور وحسيته أنو كبير ومسؤولية بعدين فكرت أنو الحياة بتعطينا خيارات مفصلية وما بنعرف ليش”
وتابعت: “بس بلشنا العمل عرفت ليش ومبارح بعد الحلقة الأخيرة تأكدت ليش، سوريا وحكايتها حتضل جزء من كلشي بنعمله من تاريخها لثقافتها لناسها وكل قصصها”.
ووجهت “فايا” الشكر لمخرج العمل، قائلةً: “شكراً للأستاذ سامر البرقاوي يلي وثقت فيه وبرؤيته أكتر من حالي”.
وختم منشورها بالقول: “الظاهر للعين أنو عملت هالدور لأنو شكلي الخارجي مناسب للحقبة بس يلي جوا القلب هو أنه شاء القدر أني أعمله لأنو كلشي فيه بيعنيلي وبيخصني وبيمسني، بشكل مو طبيعي بيعنيلي يكون في هيك عمل يوثق الشام بهالمرحلة وأني كون أنا نوران المرأة السورية يلي تعذبت كتير بس ناضلت كتير وحلمت ولسا بتحلم بسوريا أجمل”.
يذكر أن مسلسل “تاج” من إخراج سامر البرقاوي، وتأليف عمر أبو سعدة، ويشارك فيه: بسام كوسا وتيم حسن وفايا يونان وكفاح الخوص ونورا رحال وغيرهم.
