بردى-متابعة انتقدت الإعلامية نور قاسم المصابة بكورونا سيف الدين سبيعي بعد ان قال فيروس كورونا وهم وليس له وجود وقالت: عفكرة ما رح يدهور الدنيا غير هيك نموذج مفكر حاله فطحل زمانه..حضرتك ممثل ودرست وعملت بمهنة التمثيل شو لك علاقة تحكي بأمور لا تخصك ولم تعاينها أساساً عن كثب!
حضرتك انت وغيرك اعتمدتوا على سوشيال ميديا ومعلومات مدري من وين ومعتبرين كلام الغرب طابو وإنو أطبائنا يلي عم نخسرن كل يوم وبموتوا بسبب الفيروس هم الأغبياء!
حضرتك ما مرضت فيه ولا شفت الألم والتعب والوجع منه.
حضرتك لحسن حظك ما انصاب فيه حدا من معارفك ومات منه بعد اسبوع.
حضرتك ما بتعرف إنو في أشخاص منذ أربعين يوم يعيشون على المنافس فقط.
حضرتك ما بتعرف إنو في شباب ما تحملوا الفيروس وماتوا منه.
حضرتك بتصريحك رح تودي الدنيا بداهية لأنو في كتار بيعتبروا كلام الفنان مُنزل من السما.
والله ما بعرف انتوا الفنانين ليش بتحكوا بأمور ما بتخصكم ولا عشتوها وبس هيك بتحللوا على مزاجكم.