أصالة نصري خائفة من “لحقت نفسي”

دارمو: تستعد الفنانة السورية أصالة نصري، لطرح ألبومها الغنائي الجديد “لحقت نفسي” في الأول من أكتوبر/ تشرين الأول القادم.

وكشفت “أصالة” كواليس تجربتها في أثناء تحضير الألبوم، حيث نشرت عبر صفحتها في “فيسبوك” البوستر الرسمي لألبومها الجديد، ولفتت إلى أنها خائفة وكأنها أوًل مرّة ستقدم فيها أغاني.

وعلقت: بقدّملكم لكم كلّ الاوقات الحلوة المليانه محبّه وصحبه وعمل دؤوب لإنجاز مشاهد منّ مواقف من مشاعر ..أغاني بتحكي عنّي وبتحكي عنكم.

وقالت أصالة: عشنا أنا وحبيبي شريكي وصديق الرّوح فايق أيّام طويله بأماكن كتيره لنرسم كلّ صوره وكيف لازم تطلع بأحلى وأطيب مايمكن.. بدًي أشكر كلً صديق عزيز موجود إسمه بالأغاني الستّه اللي رح تسمعوها وبعد وقت قليل رح أتبعهم بستّ أغاني بتقديم مختلف.

وأضافت: وشكراً لأخي وسندي أنوس وفريق كبير معه بيساندني وبيفكًر لي.. وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا ) وكل اللي فيها يشتغلوا بحب وبتحسّ إنهم ولاد الشّركه الكبار ..وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت.

وتابعت: الموسيقى وطن رح ننضمّ إله أنتوا وأنا لنسمع نفس الحكايه بذات الوقت.. مابخفيكم خايفه وكأنًي أوًل مرّه رح قدّم لكم أغاني .. كتير تعلّقت بكل أغنيه غنّيتها ويمكن فيه أغاني عدتهم أكتر من عشر مرّات وبكلّ مرّه كنت عم دوّر على ستّ أنا بعرفها والقصّه قصّتها وعندا شخصيّه ضروري تكون حلوه والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوه.

وأردفت: كلّ المحبّه وكلً الإمتنان على أيّام كتيره ساندتوني فيها وقوًيتوني وفيكم كبرت .. هلّأ أنا عم ردّ محبّتكم بمحبّه بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله..الّلي عمّ قدمه بطريقتي لوطني الغالي ( الموسيقى) هو أحلى وأغلى ماعندي بفضل الله.

وختمت أصالة منشورها: ورح أحكي تباعاً عنّ كلّ أغنيه على حدن .. حبايبي راح يكون باول اكتوبر بين إيديكم بعض منّ روحي على شكل أغاني ومتل مابدينا مكملين.

يشار إلى أن آخر أعمال أصالة نصري، هي أغنية “الحب الأبدي” التي تعاونت فيها مع الفنان العراقي ماجد المهندس، والشاعر الغنائي فائق حسن “زوج أصالة”، والملحن محمود الخيامي.