دارمو Darmo

الرئيسية » من كورال إلى النجومية.. رامي صبري: بطموحك هتوصل

من كورال إلى النجومية.. رامي صبري: بطموحك هتوصل

عن طريق : Hani Hashem

 

دارمو – القاهرة: استذكر الفنان المصري رامي صبري، بداياته الفنية من كورال مع العديد من الفنانين المصريين إلى النجومية.

ونشر رامي صبري، عبر صفحته في “فيسبوك” صورتين الفارق بينهما 23 عاماً، فالصورة الأولى عندما كان يغني كورال مع الفنان المصري محمد الحلو، أما الصورة الثانية فهي حديثة، لافتاً إلى أن الفرق بين الصورتين هو “الطموح”.

وكتب “رامي” تعليقاً على الصورتين: صورة من ٢٣ سنه تقريبا الفرق بنهم كبير جدا في الصوره اللي فوق كنت بشتغل كورال مع الفنان الكبير محمد الحلو . وكنت وقتها ببتدي اشتغل علشان افهم يعني ايه مسرح وجمهور واذاي اتعامل مع الناس في الشغل.

وأضاف: وكنت دايما عارف انها مرحله ( تعليميه ) وهاتمشي مش هقف عندها علشان كده مكانش عندي طموح فيها . فضلت اشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه وبعدين شيرين اول ما ابتدت . وكل ده عارف ان هدفي لسه مجاش.

وتابع: الصورة اللي تحت بعد كل اللي فات والتعب والمجهود الكبير جدا ربنا كرمني كرم كبير جدا وميزني من وسط فنانين كتيره جدا وخلاني اكون واحد من اهم نجوم العالم العربي.

الموضوع كله صدقني في (الطموح) لو انت بتحب نفسك ومأمن بنفسك وعندك الاصرار انك هتوصل لمكان انت مش فيه دلوقتي صدقني هتوصل بس تصدق نفسك، ومفيش حاجه اسمها ( حظ) دي كلمه محصلتش معايا.

وقال: مع حبي للموسيقي وطموحي وانا ماشي فيها في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الاستاذ محمد سمير . هو كمان طموحه كبير جدا وابتدي معايا في الصوره اللي فوق لحد ما بقي احد اهم موسيقين مصر وبيلعب مزيكا مع اهم نجوم عالمنا العربي ولسه مكمل معايا من ٢٣ سنه لحد الان وهو مدير فرقتي الموسيقيه

وختم “رامي” منشوره: عاوز اقول في الآخر طموحك وحبك لنفسك هايوصلك. ماترميش شماعه الظروف علي نفسك وتقول ظروفي وحظي وتدخل في مود مش هايوصلك لحاجه.. هاتوصل هاتوصل صدقني اشتغل علي نفسك اوي وحط في نفسك انك اهم واحد في العالم ولازم الناس كلها تعترف بيك . واول ما هاتنجح كله هيجري وراك ويسقف لك الفرق بين الصورتين ( الطموح فقط).

يشار إلى أن رامي صبري، أعلن اعتذاره أمس، عن حفله بالإسكندرية والذي كان مقرر إقامته في كلية الآداب بسبب عدم الاتفاق مع منظم الحفل.

          

ربما يعجبك أيضا

اترك تعليقا

Are you sure want to unlock this post?
Unlock left : 0
Are you sure want to cancel subscription?
-
00:00
00:00
Update Required Flash plugin
-
00:00
00:00