دارمو – دمشق: نشرت الفنانة السورية “سلاف فواخرجي” عبر صفحتها الشخصية على فيسبوك صورة لعائلة سورية تركب دراجة نارية وتنطلق إلى طريق الربوة، وعلقت “فواخرجي” ساخرةً من وضع الكهرباء في بلادها:
“وعدتهن عالربوة … آخدهن سيران …
شنو كهربا … بالبيت مافي !
واشكان دبرنا شي مولدة … مازوت مافي !
واشكان استعرنا سيارة … بنزين مافي !
واشكان حلمنا بالمطعم … كل شي نار و غالي !
والله وكيلكم … الجيب مجنط …
و من الآخر … مبخوش و فاضي !
بس اخطي اهل بيتي شو ذنبهن ؟ أنا وعدتهن…
ولازم اوفي …
يللا … خسكارها … دولابين
وشوية مقالي … بتكفي
ومدام صحتي فيني
شو ماكان بيرضيني
ومرتي وولادي جنبي
خلص ، ما هادا منى عيني ؟!
الحالة تعبانة بعرف لا بنكر ولا بخبي
بس قلبي دايم دوم شاكر ربي
وهادا اللي بيريحيني وبيهنيني
نحنا توكلنا ومشينا …
ادعولنا رب العالمين ، يحمينا
والله يفرج عليكم وعلينا …
قولوا : آمينا”
وختمت “فواخرجي” قولها: “مونولوج رب أسرة متفائل”.
