بردى – متابعة نشرت إحدى الصفحات المعنية بأخبار المشاهير فيديو لمداخلة هاتفية للفنان السوري القدير بسام كوسا، يتحدث خلالها عن زميله الفنان زهير رمضان وفوزه بمنصب نقيب الفنانين؛ إذ تحدث كوسا قائلا: “يحول المؤسسة تبعه.. المنصب تبعه لمزرعة.. أو النقابة تبعه لمزرعة.. بس هوي أنه وطني وبفنجر عيونه..هني لانه طموحاتهم شخصية.. مصاري مناصب ومدري شو.. يعني انا ما بقدر أفنجر عيوني.. مشان أحكي عن الوطن”.
وأضاف قائلا: “هدد العالم أنه انا وطني..هاد عبارة عن زعبرة.. وإفك وكذب على العالم..يعني إذا كان الواحد وطني.. بيقعد كل الوقت ينفجر عيونه.. ويتفتف قدام العالم انه بحكي عن الوطن.. ينضبو.. احنا عنا مشكلة أخلاق الآن.. انه كل واحد بتلاقيه.. فقط بقولك انه الوطن.. هوي المعبر الوحيد عن الوطن.. فجاهز انه هو يخونك.. وهو يعدمك وهو يروحك.. لانه هو بموقع وطن.. وبينفجر عيونه وقت عم يحكي.. برعبك يعني؟”.
وتفاعل الجمهور بشكل واسع مع تصريحات كوسا، مؤكدين أنه فنان راق ومحترف، ويستحق أن يكون هو نقيب الفنانين، نظرًا للثقافة الكبيرة التي يملكها، بالإضافة لموهبته العظيمة في هذا المجال.
فيما حظيت كلمة “بفينجر عيونه” التي كررها بشكل مستمر الفنان السوري بسام كوسا بالنسبة الكبرى من التعليقات، التي سخرت من زهير رمضان معلقين أنه بالفعل يبالغ بهذا الأمر بشكل مستمر، ومن أبرز التعليقات التي جاءت على كلام كوسا كانت: “يا ربي دخيلك حتى وهو جدي بيضحك ههههههه بينفجر عيونو وهو عم يحكي برعبك هههههه”، “مستحيل يقبل أن يكون نقيب الفنانين لانو شخص شريف ما ببيع كرامتو ومهنيتو وأهل بلدو”، ” كلام متوازن بخفه دم! هيك متعودين عليه، عميد درامه سوريه بسام كوسه”.
